خطار عدنه فرح
اعلك صواني شموع
خافن يمر بالعكد
رش العكد بدموع
ياقليبي وين الحزن
حدر الحدر مرفوع
دومك تون ونتك
تبشي بدمع مفجوع
طيفك امل شداب
فوق السما مرفوع
بالك تصيح بحزن
صوت الحزن مسموع
خطار عدنه فرح
اعلك صواني شموع
شكبان لليلك غضب
بالك تفز بالليل
دافن بصيص الامل
مسهر نجوم سهيل
والريل فات وجزا
مالك شغل بالريل
حطلنا موقد الجمر
زود سعير الويل
ذوب شموع الوصل
فرهد حبابي الهيل
بس لا يبوق العمر
طيف العمر ملسوع
خطار عنده فرح
اعلك صواني شموع
لملم سنين العمر
عثرهه ليل الظيم
فارشهه فوق الهضب
طرزهه لون الغيم
مشتال عمرك ذبل
ماحن نثيث الديم
والكيظ اجاك بثقل
بعدك تظل انهيم
خيال حلمك مرق
شتكله عيب انهيم
يبسن انهار الامل
وانتظر روحي تموت
خطار عنده فرح
اعلك صواني شموع
دموعي طيفك غرق
امسح دموع الطيف
شمسح جزاني الوقت
راح الحلم ياحيف
قمريه ومامش بعد
وليش احنا موش بصيف
ظلمه وداوشق حزن
لاتظن روحي بكيف
غرب شراع الفرح
اهلاً اجانا الضيف
حسبالي يسوى العتب
ثاري العتب مرفوع
خطار عنده فرح
اعلك صواني شموع